Әкімнің Өмірбаяны

Шахин Аққанат Әлішбекұлы 1961 жылы 16 қазанда Ақтөбе облысы Ырғыз ауданы Ырғыз селосында туған. Білімі жоғары. 1990-1994 жылдар аралығында Алматы қаласындағы Қазақстан менеджмент, экономика және болжау институтының социология бөлімінде оқып, социолог мамандығы бойынша бітірген.
Еңбек жолын 1978 жылы Ырғыз селосындағы №2109 жылжымалы механикаландырылған құрылыс коллоносында жұмысшы болып бастаған. 1979 жылдың қыркүйек айынан 1980 жылдың шілде айына дейін Шымкент қаласындағы № 33 кәсіптік-техникалық училищесінде оқыған. Сол жылдың қазан айына дейін Шымкент қаласындағы Оңтүстік Қазақстан монтаждау басқармасында жұмыс жасаған.
1980-1982 жылдары Кеңес Армиясы қатарында болған. 1983 жылдың ақпан айынан 1986 жылдың сәуір айына дейін Ырғыз селосындағы № 2109 жылжымалы механикаландырылған құрылыс коллоносында дәнекерлеуші болып жұмыс жасаған. 1986-1990 жылдар аралығында Ырғыз аудандық атқару Советі комитетінде азаматтық қорғаныс штабының бастығы, жалпы бөлім меңгерушісі, іс басқарушы қызметтерін атқарған.
1994-1997 жылдар аралығында Ырғыз селосындағы «Ырғыз», «Шебер» жеке шағын кәсіпорындарында директордың орынбасары, № 7 кәсіптік-техникалық училещесінің Ырғыз бөлімшесінде және орыс орта мектебінде өндірістік оқытудың шебері болып қызметтер атқарды.
1997 жылдың желтоқсанынан бастап аудан әкімі аппаратының аудан орталығын әлеуметтік-экономикалық дамыту бөлімінің меңгерушісі, 1999 жылдың қыркүйегінен бастап аудан әкімі аппаратының басшысы қызметтерін атқарған. 2007 жылдың наурыз айынан аудан әкімінің орынбасары болып қызмет жасады.
Отбасылы. Отбасында әйелі үш баласы бар.
Добавлено: 
08.07.2019 - 05:00
Последние изменения: 
08.07.2019 - 05:00